Muttos_di Antioco Casula

Tottu Cantu est fioridu In sa terra mantagnina,

che logu celestiale.

Non cumparet una nue

Da Ennargentu a su mare.

Bando che chelvu feridu,

Ma sa terra meighina

No mi dada a tantu male,

Ca sa cura tenes tue:

Torra bella a mi sanare.

Su filonzu cuminzadu

Non poto pius finire, Ca mi est s’ora intardìa.

Ses partidu e non torradu,

Su forte meu soffrire

Su fusu l’ischit ebbìa.

Unu monte est Gennargentu,

Su pius altu in Sardigna,

Chi s’idet a donzi mare.

Cuddu fattu giuramentu

Olvido, ca non ses digna,

Pizzinna, de t’istimare.

Fonne e Desulo in s’altura

Istan, che duos gigantes,

A guardia’e Ennargentu

Da unu a s’ateru mare.

Mia cara gioventura,

Dies bel las e festantes

Passadas che unu entu,

Ue bos’hapo agatare?